ერთგულის ვებ გვერდიდან ელექტრონული შესყიდვ(ებ)ის წესები და პირობები
1. ელექტრონული შესყიდვის განხორციელებისას ერთგული ქულების დარიცხვა/დაგროვება შესაძლებელია მხოლოდ ერთგულის ვებ გვერდზე განთავსებული ელექტრონული შესყიდვების საიტებიდან, ბარათის მფლობელის მიერ ერთგულის ვებ გვერდიდან გადასვლის შედეგად განხორციელებულ შენაძენზე;
2. ერთგული ქულების დარიცხვის ოდენობა განსხვავებულია პარტნიორი კომპანიებისა და ბარათის ტიპის მიხედვით. დასარიცხი ქულების ოდენობა და დარიცხვის სქემა მითითებულია ერთგულის ვებ გვერდზე (იხ. ლინკი ----);
3. ბანკი იტოვებს უფლებას ნებისმიერ დროს ცალმხრივად შეცვალოს დასარიცხი ქულების ოდენობა და დარიცხვის სქემა;
4. ერთგული ქულები ასევე გროვდება ელექტრონული შესყიდვების საიტ(ებ)ის მიერ ფასდაკლების აქციების მიმდინარეობისას თუ ბანკის ან/და პარტნიორი კომპანიის / ელექტრონული კომერციის მერჩანტის მიერ სხვა პირობა დამატებით არ იქნება განსაზღვრული;
5. ერთგული ქულების დარიცხვისთვის სავალდებულოა მობილური ტელეფონის ნომრის მითითება ელექტრონული შესყიდვების სასურველ ვებ გვერდზე გადასვლამდე. ბარათის მფლობელი სრულად იღებს პასუხისმგებლობას ნომრის სისწორეზე. თუ მომხმარებლის მიერ მოხდა ისეთი ნომრის მითითება, რომელიც ბანკში არ არის რეგისტრირებული, ქულების დარიცხვა არ მოხდება.
6. ბანკი არ არის პასუხისმგებელი მომხმარებლის მიერ მობილური ტელეფონის ნომრის არასწორად/შეცდომით მითითების გამო დამდგარ ნებისმიერ შედეგებზე, მათ შორის არ იქნება პასუხისმგებელი დაფიქსირებული საკონტაქტო მონაცემების შესაბამისად გაგზავნილი შეტყობინების სხვა პირის მიერ მიღებით გამოწვეულ შედეგ(ებ)ზე;
7. თუ მომხმარებელი არ არის ბანკის კლიენტი ან/და არ მოხდა სს „თიბისი ბანკის“ ბარათით ნივთის/მომსახურების შეძენა (მიუხედავად იმისა, რომ ერთგულის ვებ გვერდიდან მოხდა გადასვლა) ქულების დარიცხვა არ მოხდება;
8. ქულების დარიცხვა მოხდება თვეში ერთხელ, არაუგვიანეს მომდევნო თვის 20 რიცხვისა. აღნიშნული თარიღი შესაძლოა შეიცვალოს ბანკის მიერ ცალმხრივად.
9. ქულები არ დაირიცხება ტრანსპორტირების თანხაზე, შეფუთვაზე ან/და სხვა დამატებით მომსახურებაზე, თუ ბანკის მიერ განსხვავებული პირობა არ იქნება განსაზღვრული;
10. ქულები დაირიცხება ნივთის/მომსახურებისთვის გადახდილი ღირებულების შესაბამისად (შესყიდვის მომენტში არსებული ღირებულების შესაბამისად). იმ შემთხვევაში, თუ ნივთის/მომსახურების ღირებულება განსაზღვრულია უცხოურ ვალუტაში, ქულების დარიცხვა განხორციელდება მოხმარებლის მიერ გადახდის დღისთვის საქართველოს ეროვნული ბანკის კურსით დაკონვერტირებული ნივთის/მომსახურების ღირებულების შესაბამისად.
11. ქულების დარიცხვა არ მოხდება, თუ ერთგულის ვებ გვერდიდან ელექტრონული შესყიდვის ვებ გვერდზე გადასვლამდე 30 (ოცდაათი) დღით ადრე მომხარებელს უფიქსირდება შეძენილი ნივთის/მომსახურების ნახვა ან კალათში მოთავსება.
12. ბანკი პასუხს არ აგებს მომხმარებლების მიერ პროდუქციის, ნივთის, მომსახურების ხარისხზე, ტრანსპორტირებაზე და პროდუქციასთან/ნივთთან/მომსახურებასთან/ ტრანსპორტირებასთან დაკავშირებულ სხვა ნებისმიერ საკითხზე;
13. ელექტრონული შესყიდვების ვებ გვერდზე გამოქვეყნებული აქცია/საჩუქარი, ან რაიმე წამახალისებელი ღონისძიება არის ბანკისგან დამოუკიდებელი პირობა, შესაბამისად ბანკი პასუხს არ აგებს ამგვარ აქციასთან/საჩუქართან, წამახალისებელ ღონისძიებასთან დაკავშირებულ სამართლებრივ ურთოერთობებზე;
14. წინამდებარე წესებისა და პირობების საწინააღმდეგო ან/და კანონით აკრძალული სხვა ქმედების განხორციელების, მათ შორის, ასეთ ქმედებაზე გონივრული ეჭვის გაჩენის შემთხვევაში, ბანკი უფლებამოსილია მომხმარებელს/ბარათის მფლობელს შეუზღუდოს ქულების დაგროვება/დარიცხვა შესაბამისი ბარათის ბალანსზე.
15. წინამდებარე წესები და პირობები წარმოადგენს ერთგულის ვებ გვერდზე განთავსებული ზოგადი წესებისა და პირობების განუყოფელ ნაწილს (იხ. ლინკი
https://ertguli.ge/rules)
მომხმარებელი წინამდებარე პირობებზე „თანხმობის“ ელექტრონულად მონიშვნით ადასტურებს, რომ გაეცნო და ეთანხმება ერთგულის ვებ გვერდიდან ელექტრონული შესყიდვების წესებსა და პირობებს და ერთგული ვებ გვერდის ზოგად წესებსა და პირობებს.
